یہ مسجد بہت ہی خوبصورت جائے وقوع پر واقع ہے، نسبتاً اونچی جگہ پر واقع ہونے کی وجہ سے اس کی خوبصورتی میں چار چاند لگ گئے ہیں اور کافی ہوا دار بھی ہے، مسجد کے آس پاس کا علاقہ بھی قدرتی مناظر سے بھر پور ہے، یہاں پر بچوں کے لئے با ضابطہ مکتب بھی قائم ہے جو ادارہ دینیات کے تحت دینی تعلیم کی نشر و اشاعت میں روز و شب رواں دواں ہے، دعوت و تبلیغ کا کام بھی چلتا ہے، لیکن اس پر محنت کی بہت ضرورت ہے، ویسے تو یہاں کے لوگوں میں دینی معلومات کی کمی ہے، لیکن اچھی بات یہ ہے کہ جتنی معلومات ہے اس پر بھر پور عمل کرتے ہیں، الحاصل! مجموعی طور پر یہاں سے ایک خوبصورت احساس کی یادیں اپنے ذہن میں ایک لمبے عرصے تک کے لئے سموئی جا سکتی ہیں.
